Coñeces a lenda popular que conta que un esquío podía cruzar a península de punta a punta sen pisar o chan? Imaxina que diferente sería hoxe. A paisaxe cambiou de forma drástica pola acción do ser humano.
Os bosques son unha peza fundamental na loita contra o cambio climático. Son vitais para a nosa vida, así como para a de millóns de especies. Constitúen o hábitat de fauna e flora, evitan os procesos erosivos do chan, dan estabilidade aos ciclos ecolóxicos… Son parte da nosa vida.
Queremos que os nenos, nenas, mozos e mozas sexan protagonistas da conservación dos bosques. Para iso, imos implicalos activamente no seu coidado a través da información e a sensibilización. Xestos tan sinxelos como aprender a non deixar residuos despois das visitas aos espazos naturais e recoller todo o lixo que xeramos son básicos para a súa preservación. Coidando os bosques, coidamos o planeta.
Como imos facelo? Coa túa axuda e a do teu alumnado. Vós sodes a base do cambio. Propoñémosvos participar na 5ª edición do Concurso Escolar Faino Verde que se desenvolve baixo o lema “Misión #SalvemosOsBosques”. Unha proposta destinada a estudantes de Primaria (de 3º a 6º curso) e Secundaria (1º a 4º) con ganas de formar parte dun futuro máis sustentable.
Queremos que nos axudedes a sensibilizar á poboación, sobre a importancia dos bosques da nosa contorna. Participa co alumnado de Primaria creando unha campaña de sensibilización mediante un cartel publicitario ou, se es docente da ESO, a través dun vídeo.
Imos crear un movemento imparable, queres formar parte?